amoureux & l’espousa, selon que Noël le Cõte
nous l’apprend dans le septiesme liure de sa
Mythologie.

Artemise ou Artemisie, femme de Mosole
Roy de Carie, fut si genereuse, qu’apres la
mort de son mary, elle assista ce grand Assuerus
Roy des Medes (qui la consultoit en ses plus
grandes affaires) contre les Grecs, où elle fit
d’aussi beaux exploits qu’homme de la terre
puisse faire. Apres auoir dompté les Rhodiens,
elle fit eriger vne grande statuë en la ville de
Rodes pour marque de ses trophées. Et finalement
elle fist bastir vn Mausolée en l honneur
de son mary, qui fut mis entre les sept merueilles
du monde.

Beatrix Imperatrice, fille de l’Empereur
Philippe II. & seconde femme de l’Empereur
Othon V. fut tellement authorisée de son mary
en tous les affaires de l’Empire quelle faisoit
les mesmes fonctions que si c’eust esté l’Empereur
mesmes.

Camilla Reyne des Volsques, ne gouuerna-t’elle
pas si bien les affaires du Royaume de son
pere apres qu’il en fut demis par ses peuples,
qu’elle remit presque toutes les choses en l’estat
qu’elles estoient, iusques à donner du secours
à Turnus & aux Latins, contre ceux qui
leur faisoient la guerre ?