le precepteur de Neron VI. Empereur de Rome ?
Pierre des Roches Angeuin, ne gouuerna-t’il
pas long-temps toute l’Angleterre ?
Adrian d’Vtrech ne faisoit-il pas tous les affaires
d’Espagne sous Charles V. Pippo Spani n’auoit-il
pas l’intendance de toute la Hongrie
sous Sigismond ? Alosio Gritti ne disposoit-il
pas d’vne partie de l’Empire des Turcs sous Soliman ?
& Pontus de la Garde simple Gentilhomme
François n’ordonnoit-il pas de tous les
affaires de la Suede ?

Mais sans aller chercher des exemples qu’en
nostre pays, Cuppa Allemand ne fut il pas fait
Connestable de France par le Roy Chilperic
fils du Roy Clotaire ? Landregesille de la mesme
nation n’eut-il pas la mesme charge sous
ledit Clotaire ? Bernard de Vinero Arragonnois
fut fait grand Maistre de France sous le
Roy Louys le Debonnaire ? Henry d’Angleterre
exerça la mesme charge sous Louys VII.
Charles de la Cerda, Prince de Castille, fut
Connestable de France sous le Roy Iean, auquel
il rendit de grands seruices. Iacques du
Glas Escossois fut fait Mareschal de France
sous Charles VII. Iean Stuard fut Connestable
sous le mesme Roi. Valera d’Allemagne eut la
mesme charge sous Charles VI. Guillaume Iuuenal
des Vrsins fut Chancelier de France : René