EXTRAICT DES REGISTRES
de Parlement.

CE jour la Cour, toutes les Chambres
assemblées ; Sur l’aduis qu’en haine de
l’Arrrest de ladite Cour, rendu le huictiéme
de ce mois & an : Le Cardinal
Mazarin, pour exercer sa vengeance
contre ladite Cour & cette Ville de Paris, fait aduancer
toutes les troupes qui estoient sur la frontiere,
mesmes celles qui estoient en gatnison dans les places
les plus importantes, & tire le Canon des Citadelles
des Villes frontieres, & expose par ce moyen
toutes les Villes aux ennemis, & le Royaume en
proye : A ORDONNÉ ET ORDONNE, que
ledit Arrest sera executé. A fait & fait inhibitions &
defenses à tous Capitaines & Soldats d’approcher à
vingt lieuës pres de cettedite Ville de Paris. Enioint
à ceux qui sont plus aduancez de se retirer incessamment
dans les garnisons des Villes frontieres ; & faute
de ce, permet & enioint aux Habitans des Villes,
Bourgs & Communes, de s’armer & leur courir sus,
à cette fin sonner le toxin. Fait aussi defenses à toutes
personnes de les retirer, & leur fournir aucuns viures

-- 4 --

& munitions ; & à tous Capitaines & Gouuerneurs
de laisser sortir aucunes garnisons, canons & munitions,
à peine contre tous les contreuenans de confiscation
de corps & biens. Et sera le present Arrest,
leu, publié, & affiché par tous les Carrefours de cette
Ville & Faux-bourgs de Paris, & enuoyé aux autres
Villes, Bourgs & Villages, pour y estre pareillement
publié & affiché à la diligence du Procureur general.
Fait en Parlement le dixiéme Ianuier mil six cens
quarante-neuf.

 

Signé, DV TILLET.

LE Lundy vnxiéme iour de Ianuier mil six cents
quarante-neuf, l’Arrest cy-dessus de Nosseigneurs
de la Cour de Parlement, a esté leu & publié à son de Trompe
& Cry public, tant és Portes & Entrées de cette Ville &
Fauxbourgs de Paris, qu’aux Carrefours & Places publiques
de cettedite Ville & Fauxbourgs, par moy Iean Iossier,
Iuré Crieur ordinaire du Roy en la Ville, Preuosté & Vicomtè
de Paris, accompagné de Didier Ordin, dit Champagne,
Iean du Bos, Iacques le Frain, Iurez Trompettes du
Roy, & affiché où besoin a esté.

Signé, IOSSIER.