EPISTRE BVRLESQVE.

 

PHILIS, qui ne vous connoist pas ?
Et qui ne sçait que vos appas,
Des libertez vont à la queste,
Depuis les pieds iusqu’à la teste ?
Desia les quatre Mandians,
Contre vous tout haut vont crians ;
Desia maints cœurs se formalisent,
Dequoy vos yeux les deualisent,
Et confessent tous à la fois,
Que vos merites sont de poids.

 

-- 10 --

 

Moy seul que l’Amour n’embrasse,
Qui n’aspire point à la grace,
De mourir dans vostre prison,
Ny de vous seruir de tison ;
Ie ne demande, obiect aymable,
Que vous me soyez pitoyable,
Car ie me taste & ne sens point,
Du feu caché sous mon pourpoint.
Permettez qu’au meurtre ie crie,
Quand vous en voudrez à ma vie ;
Mais ie ne suis pas importun,
Comme vn anguille de Melun,
Qui crie auant que l’on l’escorche,
A present qu’Amour ny sa torche,
Ne m’ont point encore allumé,
Iapprehende d’estre enrhumé.
En vn mot ie vais vous tout dire,
Ie ne veux que vous faire rire.
Ie sçay bien que vous plairoit peu,
Qui vous parleroit de son feu,
Que vostre cœur seroit plus tendre,
A me voir mourir qu’à m’entendre :

-- 11 --

Aussi ie ne veux de douceur,
Non plus de vous que de ma sœur,
Mais bien pour mon liure vne œillade ;
Peut-estre il vous semblera fade,
Qui pourroit dire les dégouts,
Que fille d’esprit comme vous,
Peut auoir, en pareil rencontre,
I’y vois bien du pour & du contre :
Quelqu’vn dira qu’il ne vaut rien,
Que les vers n’en riment pas bien,
Que le stile en est satyrique,
Qu’il tient par trop de l’heroïque,
Qu’il adiouste & rogne à Marron,
Qu’il n’est pas de Monsieur Scarron,
Qu’il ne merite pas la grace,
Qu’vne de nos heures s’y passe,
Non pas vn seul de ces moments,
Que vous plaignez à vos amants :
Tout cy, tout çà : bien ie l’aduouë ;
Mais il est quelque temps qu’on iouë,
On n’est pas tousiours serieux,
Il se peut faire que vos yeux,

-- 12 --

Recrus de faire du carnage,
Voudront par fois vn autre ouurage,
Et que lors pourront estre ouuerts
Des Romans, des liures de vers,
En ce nombre par courtoisie,
Daignez-y souffrir ma Poësie,
Et vous obligerez l’Autheur,
De mourir

 

Vostre seruiteur.

-- 13 --