RESPONSE A LA LETTRE
DV
GRAND TVRC,
ENVOYÉE AV ROY D’ESPAGNE,
presentée au Grand Seigneur par
Dom Ferdinand de Gusman,
Ambassadeur extraordinaire de
sa Majesté Catholique.

Philippes par la grace de Dieu Roy des Espagnes,
de Castille, d’Arragon, de Leon,
de Valence, de Portugal, de Galice, de
Mureie, de Nauarre, Maiorque, Minorque,
Gilbatar, Roy de Naples, Sicile, des
Indes, Archiduc de Flanares, Brabant, Duc de Milan,
Comte de Roussillon, &c. Autres puissant Empereur
des Turcs, Holy Soliman. Salut.

-- 4 --

I’ay receu auec vn tres-grand contentement la
Lettre de V. Seigneurie deliurée par les mains du
Bassa Lusso vostre Camerier & amy Ambassadeur de
V. Magnificence, à la reception duquel nos yeux
ont esté esprits d’vne celeste splendeur & nos esprits
rauis d’vne ioye diuine. L’ouuerture de vostre Lettre
Seigneur a rendu vne plus sœfue odeur que les plus
odoriferantes fleurs & les plus doux parfums de la
terre aussi, pour le tesmoignage de vostre amitié, ie
declare estre d’vn mesme cœur & d’vn mesme pensement
que vous. Ie souhaite passionement que nostre
confederation commencée puisse estre à tousiours
continuée & que l’alliance que V. Serenissime
Majesté, à proposée soit accõplie de tout point.

En cela ie prends vn tres grand contentement ny
ayant chose au monde que ie desire & souhaitte le
plus pour tesmoignage de mon desir & afin que nostre
amytié s’augmente de plus en plus, i’ay rescrit cette
Lettre à V. Seigneurie, par mon Ambasseur le Seigneur
de Gusman, lequel vous declareia par sa bouche
ce que i’obmets par ma Lettre vostre Seigneurie
peut auoit toute cõfiance en sa personne, & ne douter
aucunement que i’accompliray tout ce qu’il vous
accordera de ma part, vos presens ont tesmoigné vostre
puissance & les miens tesmoigneront mon affection,
si vous les receuez comme i’ay fait les vostres,

-- 5 --

bien qu’ils ne les égalent pas en valeur ie demeureray
aussi content & s’atisfait. Le grand Dieu protecteur
des Empires vueille donner longue & heureuse vie à
Vostre Majesté ; victoire sur vos ennemis, & toute
sorte de prosperitez.

 

MOY LEROY.

Dom Ferdinand de Gusman a mis ladite Lettre
entre les mains du Grand Seigneur, ayant
fait son entrée dans Constantinople, accompagné
de vingt Caualleros montez sur des genets d’Espagne,
auec la housse de velours en broderie d’or, les
cheuaux ayant des fers d’argent, attachez legerement
afin qu’ils les perdissent par les ruẽs.

De plus, il y auoir douze grands mulets aharnachez
de velours cramoisy, auec les armes du Roy
d’Espagne, chargez de vaisselle d’or & d’argent, de
meubles, & de plusieurs presens, dont les principaux
qui ont esté presentez au Grand Seigneur : sont

I.

Deux grands chandeliers de salle d’or battu.

II.

Vne douzaine d’aragayes, vne couppe d’or, & vn

-- 6 --

seruice de pourceline.

 

III.

Six genets d’Espagne auec les brides & les est ieux
d’or, les selles de brocatel enrichies de pierreries.

IV.

Douze dogues d’Angleterre, auec les colliers d’or
parsemez de Croissans.

V.

Six faucons dressez à la chasse des oyseaux & des
poissons.

VI.

Cinq cens medailles d’or, où sont representez
les Empereurs Romains & Ottomans, & tous les
Roys d’Espagne.