REALTION
VERITABLE
DES PARTICVLATEZ OBSERVÉES
en la Reception du Roy.

ET TOVT CE QVI S’EST FAIT
& passé en Parlement, le Lundy 21.
Octobre 1652. En presence de son Altesse
Royale, & autres Ducs & Pairs de
France.

Monseigneur le Duc d’Orleans s’estant
rendu au Palais sur les huict
heures du matin, accompagné de Monsieur
le Duc de Beaufort, Monsieur le Mareschal
d’Estampes, & autres Seigneurs : Et ayant
pris sa place à l’accoustumée, Monsieur le
President de Nesmond luy a adressé la parolle,
& dit, Qu’il auoit receu Lettre de Cachet
de la part du Roy qu’il a presentée à la
Compagnie, sur la suscription de laquelle il
y auoit, A nostre amé & feal Monsieur de
Nesmond nostre Conseiller d’Estat, & President
en nostre Parlement, qui porte :

-- 4 --

Qu’il aye à se trouuer le Mardy 22. d’Octobre
en son Chasteau du Louure, pour receuoir
& entendre ses volontez, sur toutes les
affaires presentes.

Aucuns de Messieurs se sont plaints de ce
que plusieurs d’entre eux auoient esté obmis
& ausquels l’on n’auoit pas escrit, qu’il sembloit
qu’il y eust du particulier ; que l’on vouloit
demeurer dans vne dissimulation trop
secrette pour leur jouër quelque piece dans
ce temps.

Il est arriué qu’vn particulier est entre dans
l’Assemblée, & a presenté vn gros pacquer,
le quel ayant esté déployé, il se seroit trouué
qu’il y auoit dans ledit pacquet six petits autres
pacquets.

Le premier pour Messieurs de la grand-Chambre.
Et les autres pour les cinq autres
Chambres des Enquestes du Parlement de
Paris, lesquels ayans esté aussi ouuerts, il s’y
est trouué plusieurs particularitez qui seroiẽt
trop prolixes à reciter.

Messieurs de Paris ayant sceu le iour pris
par sa Maiesté pour y reuenir, ils enuoyerẽt
par toutes les Parroisses & Eglises commander
de carillonner ce qui a esté fait depuis les
trois heures de releuee, iusques à l’arriuée de
sa Maiesté en son Louure.

-- 5 --

Et le soir du mesme iour faire les feux de
joye par toutes les ruës de la Ville, pour tesmoigner
le grand contentement qu’elle auroit
de voir son Roy auec elle.

Des les huict heures du matin vne compagnie
des Archers de la ville à cheual auec
leurs hocquetons & trompettes, s’allerent
rendre à l’Hostel du Mareschal de l’Hospital
Gouuerneur de Paris, pour le conduire &
accompagner à la Maison de Ville, pour auec
Messieurs les Preuost des Marchands, Escheuins,
& les Mandez, aller receuoir le Roy à
son arriuée.

Au deuant du Roy allerent toute la Noblesse
des quatre Academies, tres-bien montez
& couuerts, iusques au delà du Cours à
la Reyne.

Quantité de Seigneurs & Noblesse furent
iusques à Ruel, où le Roy fut receu par Madame
la Duchesse d’Aiguillon, & disna au
Chasteau auec Monsieur le Duc d’Anjou son
frere.

Messieurs les Preuost des Marchands Escheuins
& Officiers de Ville, & grand nombre
de Bourgoeis mandez tous à Cheual, auec
les trois Compagnies d’Archers, & d’Arbalestriers
sortirent aussi iusques au delà du
Cours.

-- 6 --

Il y auoit vne multitude infinie de Peuple
de tous les quartiers de la Ville, curieux de
voir arriuer le Roy a Paris.

Auparauant arriuerent à Paris Monsieur
Seguier Chancelier de France, Monsieur le
President Mollé Garde des Seaux, Messieurs
les Presidens de Nouion & le Coigneux, les
Secretaires d’Estat ; Partie des Gardes Françoises
& Suysses.

Sur les six a sept heures du soir, le Roy arriua
à Paris par la Porte S Honoré, & alla
descendre au Louure.

Sa Maiesté estoit accompagnée de Monsieur
le Duc d’Anjou son Frere, du Roy d’Angleterre,
du Duc de Vandosme, du Cardinal
de Retz, de plusieurs Ducs & Pairs de
France.

Des sieurs d’Estrée, de l’Hospital & de Villeroy,
Mareschaux de France.

Les quatre Compagnies des Academies.

Et d’vn grand nombre de Noblesse.

Entre trois heures de releuée iusques à
iusques à l’arriuée du Roy à Paris, l’on carillonnes
par toutes les Parroisses & Eglises de
Paris.

Et au soir les Canons de l’Arsenal & de la
Gréve au nombre de 46. auec quantité de
Boëstes.

-- 7 --

Et par toutes les ruës de Paris les Feux de
loye, & des Lanternes allumés aux fenestres,
auec cris de Viue le Roy, & Mousqueston, ce
qui dura iusques à 10. & 11. heures du soir.