LE PRINCE
DE
CONDÉ
AVX BONS BOVRGEOIS
de Paris.

Affiché le 24. Iuillet 1651.

MESSIEVRS,

Ayant appris parle rapport, que m’en
ont fait plusieurs de mes Amis, que le peuple
murmuroit sur l’incertitude de mes
desseins, & sur l’apprehension qu’il a, que
i’abandonne ses interests, pour ne songer
seulement qu’a la seureté de ma personne ;
i’ay creu estre necessaire pour le seruice du
Roy, pour le salut de son Estat, & pour le

-- 4 --

soulagement de toute la France, de vous
donner vn entier éclaircissement de mes
intentions sur ce sujet.

 

Ayant esté assez mal-heureux d’experimenter
qu’il y a aussi peu de confiance
aux promesses des Partisans du C. Maz.
qu’il y en auoit aux siennes propres, i’ay
veillé plus soigneusement à obseruer
leurs pratiques, que iay enfin découuert
n’estre autres, que la resolutiõ qu’ils
auoient faite d’attententer sur ma personne
pour restablir leurs Maistre dans
la mesme authorité, qui nous a tant fait
souffrir de maux, parce que ie n’ay iamais
voulu escouter nulle de toutes les
propositions qu’ils m’ont fait sur ce suiet
& parce qu’ils se sont veus hors desperance
de m’y faire iamais consentir.

Ie me suis opposé au retour de ce mesme
Mazarin, pour qui vous auez eu tant
d’auersion, parce que i’ai veu qu’il ne
pouuoit, ni ne vouloit se restablir, que sur
vostre propre sang, & sur le mien, ne cõsiderant
point de plus grand obstacle à sa
fortune que moi, I’ai cru deuoir persister

-- 5 --

dans cette resolution auec d’autant
plus de fermeté, qu’il est éuident que la
ruine entiere de tout le Royaume s’enfut
necessairement ensuiuie, par l’antipatie
que ce mauuais Ministre a auec l’aduantage
du Roy, le salut de l’Estat, & le repos
des Peuples.

 

Ce sont ces considerations qui m’ont
fait retirer à Saint Maur, iusques à ce qu’il
eut pleu à la bonté de la Reyne, celle de son
Altesse Royalle, & à la Iustice du Parlement,
de chasser des Conseils du Roy les
mesmes Sang-suës, qui ont succé nostre
sang, auec tant de cruauté, & depuis tant
d’années : Et afin que leur retour soit sans
esperance, leur commerce auec le Cardinal
Mazarin rompu, & leurs brigues finies
i’attends de la Iustice du Roy qu’ils soient
compris auec leur Maistre dans la mesme
Declaration : protestant que ie n’abandonneray
iamais Paris, pourueu que ie puisse
trouuer ma seureté dans l’amitié des Bourgeois
de cette Ville, & dans l’Vnion de la
Maison Royale, que mes ennemis ceux

-- 6 --

du peuple, & les amis de Mazarin, ont
tousiours empesché autant qu’il leur a esté
possible ; Vous asseurant encores, comme
i’ay fait à S. A. R. & au Parlement, que ie
n’ai n’y n’auray iamais dans la pensée, que
le vrai seruice du Roy, l’accroissement de
son Estat, & le soulagement de son peuple.
Ce sont ces trois motifs qui m’obligerent
de n’aller pas chercher ma seureté entre
les mains des peuples qui me demandent
à haut cris, & ou ie n’auois rien à craindre
pourueu que i’aie la satisfaction de connoistre,
que mes soins pour le bannissement
de nos ennemis communs, &
ceux que i’emploirai pour vostre soulagement
vous seront si agreables, que
ie puisse esperer vn iour de vous mesmes,
la iustification de sa conduite auprés
du Roy, que mes ennemis tâcheront de
lui rendre suspecte dans sa Maiorité, com-
ils le disent hautement. C’est la reconnoissance
que i’en demande, & sur la confiance
que i’ai aux asseurances que m’en
ont donné vn bon nombre des plus apparents

-- 7 --

Bourgeois de Paris. I’ay resté dans
cette Ville, en resolution de leur tenir les
promesses, que ie leur ay fait, & que ie
vous reïtere, que ie n’en sortiray point, &
n’abandonneray iamais vos interests, qui
sont ceux du bien de l’Estat, pourueu que
vostre amitié puisse me faire esperer, que
les Suposts du Cardinal Mazarin ne pourront
rien attenter sur ma personne.

 

Affiché le 24. Iuillet. 1651.

-- 8 --