LE PRINCE
VENDV.

IE veux icy representer à tous les Princes
Chrestiens aussi bien qu’aux Infideles,
vn crime monstrueux de la tyrannie,
vne punition effroyable de
l’innocence, & vne procedure detestable de l’ingratitude
des Austrichiens. Tous les Estats qui
ont des personnes de sang Royal ont interest
dans la cause d’Edoüard, le droit des Gents estant
receu par tout le monde, tous sont obligez de
haïr ceux qui le violent auecque tant d’insolence ;
enfin tous les cœurs qui ayment la liberté doiuent
auoir en horreur vn esclauage qui nous fait
voir que ceux qui s’estiment les plus grands Catholiques
du monde, ont plus d’inhumanité que
tous les Barbares. Voicy donc l’image d’vn Infant
de Portugal, qui estant né dans vne maison
Royale, est maintenant enfermé dans vne étroite

-- 4 --

prison, & dont la vertu souffre les peines que meriteroient
les crimes des Tyrans qui le persecutent.
Il n’est malheureux que pource que c’est vn
Heros, il est esclaue pource que son frere n’est
pas du nombre des subjets, enfin il ne reçoit
beaucoup de mal que pour auoir fait de grands
biens, mesme à ses ennemis. Mais pource qu’vn
tableau qui est tousiours illustre dans ses ombrages,
ne peut estre consideré dans son iour que
par plusieurs veuës retirées : Ie veux icy montrer
vne partie de sa gloire deuant que de vous découurir
sa misere & sa constance.