Et puis qui reuoudroit reuiure,
Et tendant le bras comme luy
Diroit tirez moy hors d’icy,
Si l’on s’accoustumoit à faire
Souuent quelque pareille affaire,
Tous les morts sur terre, & sur mer
Voudroient mettre leur cul à l’air,
Qu’on verroit au clair de la Lune
A la fin la chose importune,
Baste pour ce coup toutefois
Que nul ny retourne deux fois,
Vistement que l’on le renuoye
Et n’aye peur qu’on le reuoye,
Si vous l’enterez comme il faut
Il ne reuiendra plus en haut,
Quoy qu’en veulent dires les mornes
Qui disent qu’il à fait les cornes,
A celuy qui la recogné
Qu’il la de plus egratigné,
Ie n’en sçay rien, mais les habiles
Qui sont pour la plus part bons drilles,
Et fort pieux enuers les morts
Sont d’auis qu’il de meure hors,
D’autant qu’il sert comme l’on pense
D’enseigne à la nouuelle France,
S’il est ainsi comme on le croy,
Beaucoup iront à ce Conuoy,
Où les Dames seront priées
Qui seront bien accompagnées,
Et selon leur condition
Y viendront en deuotion.

FIN.