& tout à fait abominables : mais qui ayment autant
la verité, qu’ils detestent la flaterie. Ceux
qui suiuent leur personne auec vne passion desinterressée,
doiuent estre honorez de leur amitié
& de leur franchise, & non pas ceux qui ne
s’attachent qu’à leurs prosperitez, & qui ne se
donnent qu’à leur bonne fortune.

Il faut estre né Prince ou d’vne maison tres
illustre, pour auoir l’honneur d’aprocher les
Roys d’Egypte, & si il faut encore qu’ils soient
grandement vertueux, & tres experts en toute
sorte de sciences, afin qu’à leur imitation, leurs
Monarques se gardent de faire quelque chose
digne de reproche. Il se trouue fort peu de
Souuerains qui deuiennent vicieux de leur propre
mouuement, si quelqu’vn de ceux qui les
abordent ne les y porte. Il se peut bien trouuer
quelque Prince qui sera naturellement
bon, sans l’estre à l’exemple de personne : mais
qu’il soit depraué sans frequenter ceux qui le
sont, la chose semble estre comme impossible.
Le mesme iour qu’il s’accompagne de ces esprits
contagieux, le mesme iour il se met au
hazard d’alterer sa santé, & de perdre son ame
aussi bien que sa personne. Les superbes, les
ambitieux, les coleres, les blasphemateurs, les
luxurieux & les infames, ne doiuent pas estre