les Corbeaux affamez, qu’entre les flatteurs :
car les corbeaux ne deuorent que les corps qui
sont morts, ne s’osant attaquer aux viuants :
mais les flatteurs deuorent les corps des hommes
viuants, emportent leur substance & les
ruynent totalement.

Conchin, comme l’on dit, leur a escrit vne
bonne ratelee, ils oyent de tous costez crier
auiourd’huy, au Diable soyent donnez ces
Mazarins, ces canailles, ces affamez Estrangers,
tous leur en veulent & à bon droict :
quand ils entendent cela, ils deuroient auoir
peur & trousser bagage, demander pardon
au Roy & aux Princes & vn passeport
pour sortir en asseurance, il a de la diablerie
pour eux, ie m’en rapporte, tout le monde
est tellement anime contre eux, que ie
ne sçay s’ils en pourront iamais sortir brayes
nettes.

Et Mazarin ne pourra échapper quelque
mal heur, car nous ne pouuons plus souffrir
de luy parce qu’il cause vn si grand dommage
à la France, abuse le Roy par ses fraudes,
le tient captif l’empesche de venir dans sa
dans sa bonne Ville, le faict aller ou il luy
plaist, met les Princes en mauuaise odeur