que le Soleil est le centre du Monde, que
tout se remuë à l’entour de luy & que la terre est
vne planete aussi bien que la Lune ; que dãs celle
cy il y a des Montaignes, des Riuieres, des Mers,
des Campagnes, des Animaux, des Hommes,
des Villes, & par consequent des Estats Lunatiques.
Cette opinion a esté Premierement soustenuë
dans Rome iusques au feu exclusiue par
Galilej. I’ay conneu vn sçauant Medecin dans la
ville qui prenoit grand peine à me demonstrer
l’vniformité de nostre terre acec la Lune, & ce
grand Docteur Prouancal, Monsieur Cassandi
ne trauailloit pas moins dans le College Royal,
en sorte qu’il se demit vne jambe descendant de
sa chaire comme il venoit d’enseigner que le
mouuement des choses graues ne procedoit pas
de leur pesanteur mais de la vertu Magnetique
qui reside en la terre Seneque me semble auoir
mieux rencontré que tout le reste des Astrologues,
quand il dit que la terre est vn point que
les hommes partagent auec le feu & le feu, punctum
est quod ferro & igne diuiditur. L’estat de nostre
France le prouue assés Mais ma charge de
Fourrier ne me donne pas le loisir de songer qu’a
placer mon monde.

Ie loge donc Nostre Estat au Pont au Change,
sur lequel on peut remarquer la posture de