sainctes intentions de vostre Maiesté, qui témoigne en auoir
la volonté, sans s’arrester aux choses passées qu’elle vent
oublier en preferant le bien de la Paix à toute autre consideration :
ce qui fera que les Princes n’auront plus d’armes que
pour son seruice & à la deffense de son Estat, conspireront
à vne parfaite vnion & émulation à bien faire & maintenir
vostre authorité en sa force, contre qui que ce soit, renonceront
à toutes assotiations, sans plus songer qu’à s’entretenir
auec vostre Maiesté, & luy rendre tous les deuoirs de
seruice & d’obeïssance qu’ils sçauent luy appartenir & qu’ils
croyent estre obligez luy rendre. Cela estant, SIRE, nous
ne tiendrons point nostre entremise pour la Paix inutile ;
au contraire, ce nous sera gloire de voir vn bon succés de
nos voyages & de nos interuentions auprés vostre Maiesté,
puis qu’en cela nous aurons obligé la Chrestienté, outre l’esperance
que la Seigneurie de Venise aura de se voir par cette
Paix, bien-tost deliurée de cette mal-heureuse guerre.

FIN.