IN ROMAM,
IOSEPHI SCALIGERI
SCAZON.

 

SPurcum Cadaver pristinæ Venustatis,
Imago turpis Puritatis antiquæ :
Nec Roma Romæ compos, & tamen Roma,
Sed Roma, quæ præstare non potes Romam ;
Sed quæ fovêris fraude, quæ foves fraudem ;
Vrbs, prurienti quæ exoletior Scorto,
Et exoleti more pruriens Scorti :
Quæ pené victa fęce prostitutarum,
Te prostituta vincis, & tuum facta es
Tibi Lupanar in tuo Lupanari :
Vale, pudoris Vrbs inanis, & recti,
Tui Pudoris, Nominisque decoctrix,
Turpis litura non merentium rerum :
Ocelle quondam, nunc Lacuna Fortunæ :
Negotiosa Mater Otiosorum,
Incesta cælibum Quititium manceps :
Vale, nefanda, constuprata, corrupta,
Contaminata, quippe quid tuos mirer
Putêre mores, quando vita computret ?

 

FINIS.

page précédent(e)

page suivant(e)