D. B. [signé] / Cyrano de Bergerac, Savinien de [?] [1649], LE MINISTRE D’ESTAT FLAMBÉ. , français, latinRéférence RIM : M0_2470. Cote locale : C_4_58.
Mais c’est trop long-temps caquetter, De toutes parts le peuple aborde, Qui sans doute vient d’arrester Qu’on ne deuoit point le traitter Sur à l’aide misericorde, Qui nous a fait souuent chanter Qu’on peut estre pendu sans corde.
Mazarins ! quel estrange ennuy, Voila desia qu’on me l’enleue Il n’a plus d’espoir ny d’appuy, Grais & leuiers pleuuent sur luy Et s’il n’en reçoit quelque trefue, Maistre Iean Guillaume auiourd’huy N’officiera point à la Greve.
L’y voila pour nostre interest, Viste bourreau qu’on le secoüe, Tout va bien, Maistre Iean est prest, Ha par bieu, voila qui me plaist, O iustice que ie te loüe ! Mais dans le bel estat qu’il est, Il nous fait encore la mouë.
Pour Dieu ne te rebute pas Fais paroistre icy ta vaillance, Imprime tes pieds sur ses bras, Tiens t’y droit comme vn eschalas, Acheue en luy nostre souffrance, Et ne te plains point d’estre las De faire du bien à la France.
Encore trois ou quatre coups
|