l’autre par le desir de la vangeance qu’elle executoit
par ce moyen sur ses Vassaux, & les plus sages estoient retenus
par la crainte des logemens, ou par l’esperance de l’exemption
d’iceux, qui a tousiours esté la plus grande de toutes
ses faueurs : Et par ce moyen cette Prouince a esté de puis
dix ans vn theatre de diuisions & de vangeances, pendant
que la terre d’vn Gentil homme estoit foulee, celle de son
voisin estoit inuiolable aux gens de Guerre : Et on a veu tres-souuent
en ce Pays ce fleau qui ne fut veu qu’vne fois en
Egypte, qu’vn petit nombre de gens voyoient le Soleil pendant
que toute la terre estoit obscurcie de tenebres : Mais
comme toute la politique de Monsieur le Comte d’Alais n’a
que cette seule fin de diuiser la Prouince pour l’affoiblir, &
de l’affoiblir pour la perdre. Il s’est choisi vn petit nombre
d’amis dans toutes les villes & lieux de la prouince, & n’a pas
recherché ceux qui par leur naissance & probité s’estoient
acquis l’authorité par l’estime du peuple ; mais il l’a ostée de
leurs mains pour la donner à de petites gens, ou à des esprits
factieux lesquels il a fait valoir aupres des Ministres de vostre
Maiesté autant qu’il a peu, & par ce moyen son seruice a
esté tres-mal executé ; & on a veu enfin la desroute de cette
politique, parce qu’elle n’estoit pas appuyée sur de bons
fondements : Ainsi dans la ville d’Arles il a mesprisé cette
haute & ancienne Noblesse, qui s’est si souuent signalée dans
le seruice de ses Roys, & a voulu esgaler à eux de nouueaux
venus qui auoient assez d’ambition pour cõcourir aux honneurs
auec eux, mais ils n’auoient pas assez de force pour les
soustenir : Il en a vsé de mesme façon en toutes les autres
villes qui n’ont pû resister à ses violences, & le moyen pour
y paruenir a esté de leu oster la liberté des suffrages en leurs
Eslections Consulaires, & donner les Charges Municipalles
à ceux qui se donnoient à luy sans reserue & sans condition.

De là est venu, SIRE, que vos Secretaires d’Estat ont esté
si souuent importunez d’enuoyer toutes les annees des Lettres
Patentes & des Lettres de cachet pour faire des Cousulés