Dit l’on ne veut de Huguenots
Arriere, ou de ma haquebutte
Vous feray faire la culbutte.
Incontinant l’autre obeyt
Puis aussi tost le bruit finit
Le matin enuiron quatre heures
Onze enseignes pour chose seure
De Suisses, & plusieurs François
Se rendirent tous à la sois
A sainct Innoceut sans mot dire
Dont le Bourgeois n’eut dequoy rire
Car alors qu’ils furent entrez
Comme des demons enragez
D’vne musique bien bijarre
Firent horrible tintamarre
En mesme temps de tous costez
Soldats se virent apprestez
Le sieur d’O se campe en la Greue
Dont le peuple beaucoup se greue
Malinant au pont sainct Michel
Et du Gas au petit Chastelet
Bonnouurier au Cimetiere
Tenoit vne mine bien fiere
Biron saisit le Marché neuf
Et Grillon entre huict & neuf
Veut de Maubert saisir la place.
Mais il fit bien tost volte face
Car au carfour sainct Seuerin
Ou le peuple est assez mutin
Il fut chargé de telle sorte
Que luy & toute sa cohorte
On fit bien rebrousser chemin
En moins de temps d’vn tourne main.
Deuant Nostre-Dame de mesme
La mort auec sa face blesme
Empauma deux ou trois hardos
Et le reste plia le dos

page précédent(e)

page suivant(e)