RAISONNEMENTS
PARTICVLIERS
DE
MAZARIN.
Tout le monde iuge de mes actions comme
il leur vient en pensee, & ie sçay qu’il
y en a fort peu qui me loüent, mais ie remets cela
à la faute de leur passion, qui les emportant dans
l’excez, ne leur permet pas de penser de moy quelque
bien. Ie sçay que personne ne peut estre iuge
en sa propre cause, car les hommes pour l’ordinaire
se flattent si bien, qu’ils se donnent tousiours
l’auantage, bien que toutesfois ils ayent veritablemẽt
le tort. Comment pourray ie donc faire, pour
sçauoir, non ce que l’on peut dire de moy, mais ce
qui en est sans fraude & sans aucune feintise. Il faut
que ie gagne tant sur mes passions, que ne leur
laissant pour vn peu de temps aucun pouuoir dessus
moy, ie les interdise de me commander, & que
suiuant les maximes de la raison toute seule, ie