assembler au plutost ; Ie sçay que vous
m’alleguerez beaucoup de difficultez,
& le peu de sureté qu’il y a maintenant
de pouuoir faire ce que ie dis, à cause
des troubles ; mais ie vous en veux montrer
la possibilité en peu de paroles, il
n’est besoin que de resolution pour y
paruenir.

N’est-il pas vray qu’à Paris (où ailleurs
n’importe) vous pouués bien vous
trouuer vne douzaine de ceux qui ont
esté deputez ? Assemblez vous, conferez
ensemble, & vous vnissez fortement
pour demander le lieu & les passeports
necessaires, pressez la dessus, & faites
vne deputation aussi genereuse que solemnelle,
qui puisse témoigner à vos
Prouinces, que vous estes dignes du
choix, qu’elles ont fait de vous, & à
toute la France le zele que vous auez
pour le repos & la tranquillité de vostre
patrie : ayant fait ces auances & ces demarches,
assurez vous que vous serez
les bien venus ; que la Reyne en son