de bien-faits & de seruices rendus à la Republique, d’estre
mis seulement au rang des Citoyens priuilegiez : apres quoy
il enrichit sur les autres, & fit vne Loy, par laquelle les bastards
mesmes estoient priués de la Bourgeoisie, quoy que
premier il l’eut violée en faueur d’vn bastard, qu’il laissa
pour successeur. Voyez iusqu où alloit la delicatesse des Anciens
quand il falloit estre estimé Citoyen de leurs Republiques.
Les Lacedemoniens & les Thebains, par l’ordre de
Licurge, publierent l’exemption de leurs Republiques aux
estrangers. Les Sparthes obseruent si estroitement cette
Loy, qu’ils furent appellez les sages Hospitaliers, & si
quelques citoyens sortoient pour sejourner chez les estrangers,
ils estoient punis de mort, presupposant qu’ils s’estoient
malicieusement exposez pour emprunter leurs mauuaises
pratiques, pour les rapporter & seduire les concitoyens.

Les Egyptiens ne vouloient point auoir de commerce auec
eux, & les Romains en fin les considerent tousiours comme
indignes de porter les marques de leurs citoyens, c’est pour
cela qu’vne de leurs anciennes loix leur deffendoit de monter
sur les murailles de la ville, ce qui fit qu’vn genereux
Consul ne peut souffrir qu’vn estranger (à qui Iulle Cesar
auoit donne le droit de Bourgeoisie,) fust esleué en vne
charge où il pretendoit, le fit prendre & foüetter dans la place
publique afin de luy oster l’ambition qu’il auoit qu’on
le deuoit traitter comme citoyen Romain ; & c’est pour cette
mesme raison que Claudius Cesar defendit aux estrangers
sur peine de mort de prendre les noms des familles Romaines,
de crainte de confondre en eux ce qui n’estoit deub
qu’aux citoyens de Rome. Vous auez peu lire les plaintes
que les peuples faisoient contre Iules Cesar, par ce qu’il
auoit introduit des François dans le Senat. Cesar, disoit-on,
triomphe des Gaulois & les emmeinent captifs en cette ville,
& ces mesmes Gaulois quittent dans leur Senat leurs robbes
courtes, & en prennent de longues, cette plainte fut
fort sensible à Cesar, au rapport de Tacite.

L’Empire d’Allemagne estant composé & agrandy du