Mengau, Jacques [1651 [?]], SECOND ADVERTISSEMENT A MESSIEVRS LES PREVOST DES MARCHANDS ET ESCHEVINS DE PARIS. SVR LE RETOVR FVNESTE DE MAZARIN. Comme aussi de la Descente que les Anglois pretendent faire en France, du costé de la Rochelle, Bordeaux, & Blaye, Ainsi que ie vous l’ay promis. Et la Garde que les Parisiens font maintenant de la personne du Roy. Vne Lampe d’Or, de Feu Inextingnible, se découurira en la ville de Tolose, qui fut enterrée du temps de Trajan l’Empereur. La ville de Nismes, ou partie d’icelle, sera ruinée par vn deluge d’Eau, qui arriuera de leur Fontaine. Et autres choses dignes de remarque, qui doiuent arriuer en plusieurs endroits de la France, cette presente Année. Predict par MICHEL NOSTRADAMVS. , françaisRéférence RIM : M0_446. Cote locale : D_1_37.
-- 20 --
Sicilien ; c’est sans nulle difficulté que le Roy sera Empereur.
Si cela est, comme i’espere, puisque l’Oracle
le dit : A quoy penseront les Anglois de vouloir attaquer
la France ? c’est joüer à tout perdre, ainsi qu’ils feront,
Dieu y vueille donner bon ordre par sa Grace,
pour le repos de son Peuple.
Reste maintenant de voir ce que Nostradamus dit
de cette Lampe d’Or de Feu Inestingnible, qui fut
mise dans vne petite Cave sous terre, du temps de
Trajan l’Empereur, laquelle se doit découvrir cette
presente Année, ainsi que nostre Oracle nous fait voir
par la ruïne de quelque édifice, qui arrivera par certain
deluge d’eau, ou débordement de Riuiere. C’est
par la Centurie cinquiesme, quatrain soixante-six,
que nous en sçaurons vn partie de ces nouuelles, lors
qu’il dit :
Sous les antiques édifices Vestaux,
Non esloigné d’acqueduc ruiné,
De Sol & Lune, sont les luysans metaux,
Ardante Lampe, Traian, d’Or buriné.
Par ce quatrain Nostradamus nous fait voir comme
il fut enterré vne Lampe d’Or de Feu Inextignible,
dessous vn Convent de Religieuses fort ancien,
qu’il faut entendre par ces mots : Sous les Antiques édifices
Vestaux. Ce Convent doit estre proche d’vn Acqueduc,
qui sera ruïné, qu’il faut entendre par ces
mots : Non esloigné d’Acqueduc ruiné, dans lequel lieu
sera aussi trouué certain Tresor, qui fut enterré à mesme
temps que la Lampe, qu’il faut entendre par ces
mots : De Sol & Lune, sont les luysans metaux. Sur icelle
|