comme renaistre : Et depuis sous son fils Loüis le
Iuste, apres auoir abbatu les testes de l’Hydre infernal
de l’Heresie, elle s’éleua de plus en plus au point de
sa premiere gloire & splendeur.

Clouis le cinquiéme Roy de France fut le premier
Chrestien, lequel mesprisant le repos, soit que son
humeur guerriere, ou que le desir de secourir ses alliés
l’appellast parmy les armes, se prepara pour marcher
contre les Allemans, qui estoient tousiours ennemis
mortels des Gaulois. Ils auoient pour chef
vn nommé Andochus, lequel ayant ramassé de grosses
trouppes auoir rauagé les extremités de la Gaule,
osa bien presenter la bataille à Clouis, en laquelle
les François ayans eu du pire, le Roy se mit à prier
instamment son Iupiter, selon l’ancienne & absurde
coustume des Gentils. Mais voyant qu’il
n’assistoit, ny n’arrestoit pas ses soldats, comme autresfois
faisoit Romulus, il se voüa, & toute son Armée
au Dieu de sa femme Clotilde, tres-pieuse Princesse,
protestant de se faire Chrestien, s’il pouuoit
venir au dessus de ses Ennemis. Et voila qu’aussi-tost
s’élançant à la teste de ses trouppes, Il va fondre
sur les Allemans, il arrache la victoire des mains des
vainqueurs, il trouble, & met en fuite tous ceux qui
se presentent. C’estoit vn coup d’vne plus puissance main
qui le reseruoit à de plus grandes actions.

Ce fut vn triomphe à la verité memorable, mais
qui fut enflé d’vne victoire bien plus signalée : Car