qu’il partagera en deux parts égales, auec celuy qui
la possede.

Item, donne & legue au sieur Abbé F. vne Mitre
d’or & d’argent, enrichie de perles & pierreries, où
est escrit en chiffres d’or, Munificentia E. C. M. &
de l’autre costé, tous chemins vont à Rome.

Item, donne & legue au sieur S. la terre du Repentir,
qu’il aura soin de faire defricher, attendu
qu’elle ne produit maintenant que ronces, espines
& elle ne produit maintenant que ronces, espines
& chardons, & que les grenes qu’il a rapportées de
Munster ne produisent que des piques, auec vne
lunette d’approche pour preuoir l’aduenir.

Item, donne & legue au sieur de Lionne toutes
ses raretez secretes, entre lesquelles il y a vne pierre
qui guerit du mal caduc, qui luy pourra seruir en
temps & lieu.

Item, au sieur le Tellier la Baronnie de Vatan, &
seigneurie de Belle-garde, assise au terroir des argus.

Item, veut & entend ledit testateur, que son
cœur apres sa mort, soit mis dans l’Eglise des Theatins,
appellée saincte Anne la Royale, son corps à
Sainct Merry, ses boyaux à Sainct Lazare, vulgairement
S. Ladre, & son chef à Sancto Montis
Fulconio, comme vne relique tres riche qu’il
donne à cedit lieu, à la Requeste de Messieurs de
Parlement.

Et pour le regard de son seruice & enterrement,
il entend qu’on mette à chacun chapiteau des torches,
vne hache d’arme, peinte auec cette deuise,
ferro & igne, qu’il y ayt quatre Mareschaux de