Anonyme [1649], L’ANTI-LIBELLE, EN VERS BVRLESQVES. , françaisRéférence RIM : M0_91. Cote locale : C_2_7.
Cet Astre des esprits confus, Causoit le flux & le reflux De vostre fantaisie pleine De monstres pis que la baleine, De cette Muse à tous allans, Fantasques & nonchalans, Qu’auiez-vous entrepris de faire Portant vos nez à nos affaires, Affaires dont l’empeschement Troubloit assez le Parlement, Affaires qui mettoient en peine Le grand esprit de nostre Reyne ; Dont nostre Prince a plus lié, Que le grand homme Iosué, Dedans cette grande iournée, Dont deux cens feroient vne année ; Certes vous nous auez apris De beaux desseins dans vos escrits, Ha ! les belles capilotades, Les beaux friteaux d’esprits malades, Les beaux remedes à la faim Quel pain s’il auoit du leuain, S’il estoit fait de bonne paste S’il n’estoit point cuit à la haste, S’il estoit petry doucement Auec vn peu de iugement : Vertu bien les bonnes ceruelles, Il en faudroit dans nos ruelles, Pour nous apprendre à gouuerner, Pour ne faire plus mutiner, Ceux là qui d’estoc & de taille, Frapent impost, gabelle & taille ;
|