lettre du Cardinal arriuée à la Cour y apporta
le ttouble auec elle : elle contenoit les
plaintes, que faisoit ce Ministre exilé, de ce
qu’on differoit tant à le rappeller, quoy
qu’on luy eust promis de le faire dés le lendemain
de la Maiorité, qu’il supplioit la Reyne
de se ressouuenir de sa parole, qu’il
croyoit maintenant sa presence necessaire à
la Cour pour le seruice du Roy, & pour
l’accommodement des affaires, & que si on
luy enuoyer des passeports & du monde
pour l’escorter il se rendroit au plutost aupres
de sa Maiesté pour la seruir de ses conseils
dans de si importantes affaires.

Monsieur de Chasteau neuf rendit cette
pretention nulle, à laquelle la Reyne eust
volõtiers entendu : mais luy ayant remontré
que c’estoit exposer toutes choses, reculer les
auantages du Roy & auancer les affaires de
Monsieur le Prince, elle ceda à toutes ces
considerations qui estoient veritables, outre
que c’estoit encor diminuer de beaucoup
le pouuoir du party de Madame de
Chevreuse.