Anonyme [1649], LE SECRET DE LA PAIX. OV, LA VERITABLE SVITTE DV THEOLOGIEN D’ESTAT A LA REYNE. , français, latinRéférence RIM : M0_3627. Cote locale : C_10_3.
page précédent(e)

page suivant(e)

-- 14 --

C’est alors qu’on dira, voyez cette grande princesse, &
admirez en elle l’image de la Diuinité : Elle a eu raison de
retenir quelque temps le Cardinal au maniement des affaires
de son Estat ; Le feu Roy luy auoit donné, elle se trouuoit
bien de son Ministere, elle iugeoit qu’il estoit homme capable,
& affectionné au bien de la France ; Mais depuis qu’elle
a penetré Ie iugement des plus Sages, & reconnu le mescontentement
vniuersel de ses suiets, elle s’en est deffaicte, ce
qu’elle eust fait de meilleure heure, si les mauuais conseils
ne luy eussent trop espargné la verité, elle l’a r’enuoyé,
pour monstrer qu’elle ne tenoit qu’à Dieu par les racines
d’vne vraye pieté : elle a cessé de pointiller sur le point de
l’authorité, elle a enfin tout postposé aux interests de son peuple,
elle ne s’est point souuenuë qu’elle estoit femme pour se
ressentir des iniures ; elle ne s’est point souuenuë qu’elle
estoit Reyne pour s’en venger, elle n’a point consideré
qu’elle auoit les regimens & les armées à ses costez pour se
faire obeïr : elle a cedé non par impuissance, mais par vertu :
elle ne manquoit pas de Theologiens flatteurs & mercenaires
qui luy eslargissoient la conscience, & luy vouloient
faire croire qu’elle pouuoit faire tout le mal que
nous auons veu sans peché : elle ne manquoit pas de grands
& ardens Capitaines qui luy promettoient de mettre tout
en poudre si elle vouloit ; Neantmoins elle est entrée dans
soy-mesme, & n’en est sortie que pour embrasser ses Peuples
auec des entrailles de Charité : elle a condamné les fictions
de la fausse Theologie ; elle a reprouué l’ardeur des
armes ciuiles : elle s’est vaincuë, elle est venuë, elle a remis
tout en estat. Quel spectacle ! quelle admiration ! quel excez
de ioye ! de veoir vne Reyne victorieuse de soy-mesme,
qui est montée auiourd’huy par dessus tous les Diadesmes !
Où sont ces petits cœurs qui se picquent irreconciliablement
à la moindre iniure, ne faut-il pas qu’ils creuent à la
veuë d’vn si haut éclat, & que nostre ANNE soit reconnue
comme la maistresse de la plus haute vertu dans toute la
Chrestienté. Voilà, MADAME, ce qui se dira par tout,
& Dieu en recompense vous donnera mille faueurs, La



page précédent(e)

page suivant(e)